اجمل شعر

خلاص برحل والسبب كثر الأحزان ...وقلوب ناس ٍ ظالمـة ماأرحمتنـي

عمري بقايا جروح وآهات واحزان ... عمري سنين ٍ بائسـة ماأرحمتنـي

عمري ألم غربه مع جور الأزمـان... عمري سراب والصحاري خذتنـي
عمري قضيته بين خايـن وخـوان... أخلصت حبي والقلـوب أخدعتنـي
عشت بزمن كله خيانـه وحقـران ... وحتى القلوب الطيبـة ماأنصفتنـي

وفيت انا للكل واصبحـت غلطـان... أعطـي وهالدنيـا أبـد ماعطتنـي







كلي جروح وداخلي قلـب ضميـان... أشرب همومي والألم فـوق متنتنـي

ماني على شي أبد صـرت ندمـان... غير انـي أوفـي ودنيتـي اتعبتنـي
ليه السؤال وعمري اليوم عنـوان... عنـوان لجروحـي ودنيـا شقتنـي
عمري فراق وهم وجـروح انسـان... عمـري سنيـن بالأسـى عذبتـنـي
عمري ظلام وحزن وجروح خـلان... خلـي ظلمنـي ودمعتـي احرقتنـي
عمري سجين وضحكتي خلف قضبان... مظلوم فـي دنيـا رديـه أظلمتنـي






عمري زهر بس للأسف صار ذبلان... وكـل البحـور بكبرهـا ماسقتنـي

عمري بحر وقلبي معه دوم عطشـان... أشرب بس أكفوف الزمن ماروتنـي
عمري تجارب وداخلي قلب ربحـان... ونفس القلوب السود هي اخسرتنـي
يكفي شموخي وهيبتـي قـوة ايمـان... وأموت عالي ..ودنيتـي ماوطتنـي
هامة مشعل لا حشـا كيـف تنهـان... أوضع بقبـري وهامتـي ماأخذلتنـي
عمري مع جرحي سوى مثل الأخوان... أعشـق جروحـي دامهـا مانستنـي

ياللي بتسألني ترى الجـرح ماصـان... الا جـروح ٍ وسـط قلبـي غزتنـي



وعيوني اللي دمعهـا فـوق الاوجـان... دمـوع مـن ظلـم الحبايـب كوتنـي

وماصرت اميز .. بين فـلان وعـلان... لكـن جروحـي بالبـشـر علمتـنـي
هذا العمـر عمـري ومافيـه نقصـان... ودنيتـي وهي دنيتي دمرتنـي
خلاص برحل . . والسبب كثر الأحزان... وقلـوب نـاس ٍ ظالمـة ماأرحمتنـي